Ռուս ընդդիմադիր գործիչ Ալեքսեյ Նավալնու մահվան օրը ՌԴ նախագահ Վլադիմիր Պուտինը քննարկել է նրա փոխանակումը՝ արտերկրում ձերբակալված ռուսաստանցիների հետ, գրում է «Агентство» պարբերականը՝ վկայակոչելով բանակցությունների մանրամասներին ծանոթ չորս աղբյուրների։ Ալեքսեյ Նավալնու փոխանակման հարցը Պուտինը քննարկել է միլիարդատեր Ռոման Աբրամովիչի հետ փետրվարի 16-ի առավոտյան՝ Նավալնու մահից ընդամենը մի քանի ժամ առաջ: «Հանդիպման ժամանակ Պուտինը, հավանաբար, համաձայնել է Նավալնու և ԱԴԾ սպա, քիլեր Վադիմ Կրասիկովի փոխանկամանը, որպեսզի այդպիսով թաքցնի Նավալնու սպանության ծրագիրը»,- ասել է հետաքննող լրագրող Խրիստո Գրոզևը: |