+21 °C, +15 °C ... +27 °C Վաղը`+27 °C
Եվրոպայի խորհրդի խորհրդարանական վեհաժողովը բանաձև է հրապարակել Ռուսաստանի նախագահի պաշտոնում Վլադիմիր Պուտինի ընտրությունը ոչ լեգիտիմ ճանաչելու մասին, հաղորդում է «Ազատություն» ռադիոկայանի ռուսական ծառայությունը։ Բանաձևում ասվում է, որ Պուտինը նախագահի պաշտոնն ստանձնել է 2024 թվականին ընտրությունների արդյունքում, որոնք չեն եղել ազատ և արդար: «2024 թվականի մարտի 17-ին Վլադիմիր Պուտինը հռչակվեց, այսպես կոչված, նախագահական ընտրությունների հաղթող, որոնք ի սկզբանե ազատ և ազնիվ չէին. Վլադիմիր Պուտինի ոչ մի իրական հակառակորդի թույլ չտվեցին առաջադրվել։ Ավելին, այդ ընտրությունների համար ընտրատեղամասերը բացվել են Ուկրաինայի ինքնիշխան տարածքում, որը ժամանակավորապես օկուպացվել է Ռուսաստանի կողմից, և Դնեստրի ձախ ափի մոլդովական վարչատարածքային միավորներում, ինչը ՄԱԿ-ի կանոնադրության և ինքնիշխանության սկզբունքի կոպտագույն խախտում է։ ԵԽԽՎ-ն չի ճանաչում Վլադիմիր Պուտինի լեգիտիմությունը և կոչ է անում Եվրոմիության պետություններին դադարեցնել բոլոր շփումները նրա հետ, բացառությամբ մարդասիրական նպատակների և խաղաղության ձգտման։ Վլադիմիր Պուտինի ռեժիմի ընթացքում Ռուսաստանը վերածվել է տոտալիտար պետության, որի գործելաոճը հիշեցնում է հանցավոր կազմակերպություն։ Վլադիմիր Պուտինի ռեժիմը պատերազմ է հայտարարել սեփական ժողովրդին և զբաղվում է Ռուսաստանում բնակվող ժողովուրդների նպատակային ոչնչացմամբ, որպեսզի երկիրը զրկվի էթնիկ բազմազանությունից: Պուտինի իշխանության տակ գտնվող երկիրը դե ֆակտո բռնապետություն է դարձել։ Քաղաքական գործիչ Ալեքսեյ Նավալնու մահվան համար պատասխանատու է Ռուսաստանի ղեկավարությունը։ Վեհաժողովն իր անկեղծ ցավակցությունն է հայտնում պարոն Նավալնու ընտանիքին, համախոհներին և կողմնակիցներին»,- ասվում է բանաձևում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am