Բելգիան ողջունել է Հայաստանի և Ադրբեջանի միջև մայիսի 10-11-ը կայացած բանակցությունների հերթական փուլը։ Ինչպես հաղորդում է ադրբեջանական Report-ը, այս մասին ասվում է Թագավորության արտաքին գործերի, արտաքին առևտրի և հանուն զարգացման համագործակցության դաշնային պետական ծառայության հայտարարության մեջ։

«Բելգիան ողջունում է մայիսի 10-11-ը Հայաստանի և Ադրբեջանի միջև կայացած բանակցությունների նոր փուլը, 1991թ․ Ալմա Աթայի հռչակագիրըЧ որպես սահմանագծման հիմք օգտագործելու մասին վերջին համաձայնագիրը, ինչպես նաև խաղաղ համաձայնագրի շուրջ բանակցությունները շարունակելու ջանքերը»,- ասված է հաղորդագրության մեջ։