ԱԺ ճեպազրույցների ժամին «Հայաստան» խմբակցության ղեկավար Սեյրան Օհանյանը, պատասխանելով հարցին, որ վարչապետը հայտարարել էր՝ ընդդիմությունը կոնկրետ թիվ չի ասում, թե որքան է ՀՀ ինքնիշխան տարածքի մակերեսը, հայտարարեց․ «Որևիցե մակերես նշելը նշանակում է սահմանափակել քեզ այն գործընթացում, որն այսօր իրականացվում է սահմանզատման և սահմանագծման աշխատանքներում։ Նախ՝ ՀՀ-ն և Արցախը 42 000 ք/կմ են եղել, Արցախն ամբողջությամբ՝ շուրջ 12 000ք/կմ այս իշխանությունն է հանձնել։ Փաշինյանն ասում էր, որ 29 800ք/կմ է և իրենք միլիմետրի չափով գիտեն ՀՀ տարածքը։ Պարզվեց՝ 29 8000 չի, 29 743 է, իրականության մեջ այսօր մնացել է 29 500։ Բայց մակերես նշելը պետք է լինի երկուստեք, նաև Ադրբեջանը պետք է հայտնի»,-ասաց նա։