Մեքսիկայի իշխող «Ազգային վերածննդի շարժում» կուսակցության ղեկավար Մարիո Դելգադոն հայտարարել է, որ կուսակցության՝ նախագահի թեկնածու Կլաուդիա Շեյնբաումը հաղթել է կիրակի կայացած նախագահական ընտրություններում, հաղորդում են մեքսիկական ԶԼՄ-ները:

Ազգային ընտրական ինստիտուտը (INE) ներկայացրել է քվեարկության նախնական արդյունքները, որոնց համաձայն՝ Շեյնբաումը հավաքել է ձայների 59,04%-ը։

Մեքսիկայի նախագահին ընտրում են 6 տարի ժամկետով։ Նրա երդմնակալության արարողությունը տեղի կունենա ընտրություններից 4 ամիս անց. պարտականությունները կստանձնի հոկտեմբերի 1-ին։