Վրաստանի խորհրդարանի խոսնակ Շալվա Պապուաշվիլին ստորագրել է «Օտարերկրյա գործակալների» մասին օրենքը. այն ուժի մեջ է մտել։ Պապուաշվիլին հայտարարել է, որ օրենքի ընդունման գլխավոր նպատակն է «ապացուցել Վրաստանի քաղաքական, տնտեսական և սոցիալական համակարգերի կայունությունը արտաքին միջամտության նկատմամբ»։ Նրա խոսքը մեջբերում է Mtavari-ն։ Նշվում է, որ այժմ Վրաստանի արդարադատության նախարարությունը և Հանրային ռեեստրի ազգային գործակալությունը պետք է 60 օրվա ընթացքում ստեղծեն այն կազմակերպությունների ցանկը, որոնց Վրաստանի իշխանությունները համարում են «օտարերկրյա գործակալներ»։ |