Իրանի նախագահական ընտրություններին մասնակցելու համար գրանցվել է 4 կին թեկնածու, հաղորդում է IRNA-ն։ Նրանք են՝ Իրանի խորհրդարանի նախկին պատգամավորներ Զոհրե Էլահիանը, Սեյեդեհ Համիդե Զարաբադին, Հաջար Չենարանին և Ռաֆաթ Բայաթը։ Էլահիանը 56 տարեկան է, աշխատում է Իրանի բժշկական գիտությունների ակադեմիայում: 45-ամյա Զարաբադին ներկայացնում է ռեֆորմիստների թևը։ Ասուլիսում հայտարարել է, որ արտաքին քաղաքականության մեջ կողմ է «ապաէսկալացիային» և հույս է հայտնել, որ մի օր իրանցիները կին նախագահ կընտրեն: Չենարանին 45 տարեկան է, աշխատել է ազգային անվտանգության և արտաքին քաղաքականության հարցերով խորհրդարանական հանձնաժողովում, հանդես է եկել Իրանի կանանց համար պարտադիր հիջաբ կրելու կանոնների խստացման մասին օրենքների ընդունման օգտին։ Բայաթը 66 տարեկան է, սոցիոլոգ: 2005 և 2009 թվականներին գրանցվել է որպես նախագահի թեկնածու, սակայն նրա թեկնածությունը Սահմանադրության պահապանների խորհուրդը չի հաստատել։ |