«Սադրողն էլ են իրենք, ժողովրդի վրա հարձակվողն էլ են իրենք։ Սրբազան հայրը նման մոտեցում չունի, նա ամեն ինչ անում է, որ ժողովրդի կողմից ավելորդ քայլ չլինի»,- Բաղրամյան պողոտայում, լրագրողների հետ զրույցում, ասաց պահեստազորի գնդապետ Միհրան Մախսուդյանը՝ արձագանքելով դիտարկմանը, ըստ որի՝ իշխանականները երեկվանից խոսում են շարժման մասնակիցների հնարավոր սադրանքների և ԱԺ շենքի վրա հարձակման մասին։ «Սեփական ժողովրդի հետ խոսելու ձև չունեն»,- հավելեց նա։