Շարունակում ենք ամրապնդել մեր պաշտպանական հարաբերությունները Հայաստանի հետ։ Այս մասին X-ի իր միկրոբլոգում գրել է Ֆրանսիայի պաշտպանության նախարար Սեբաստիան Լըքորնյուն։ «Ֆրանսիան Հայաստանի և հայերի կողքին է, մեր աջակցությունը մշտական է։ Ջերմ և արդյունավետ զրույց ունեցա գործընկերոջս՝ Սուրեն Պապիկյանի հետ։ Կարևոր իրադարձություն էր CAESAR թնդանոթների ձեռքբերման պայմանագրի ստորագրումը»,- գրել է Լըքորնյուն։ Ինչպես ավելի վաղ հայտնել էինք, Ֆրանսիան և Հայաստանը ռազմատեխնիկական համագործակցության պայմանագիր են ստորագրել։ |