+19 °C, +15 °C ... +28 °C Վաղը`+28 °C
Հյուսիսային Կորեայի առաջնորդ Կիմ Չեն Ընը ՌԴ նախագահ Վլադիմիր Պուտինի հետ բանակցություններում նշել է Ռուսաստանի դերն աշխարհում ռազմավարական կայունության և հավասարակշռության պահպանման գործում, հաղորդում է Коммерсант-ը։ Նա աջակցություն է հայտնել Ուկրաինայում Ռուսաստանի կողմից ռազմական գործողության անցկացմանը: «ԿԺԴՀ կառավարությունը լիակատար աջակցություն է հայտնում հանուն ինքնիշխանության, տարածքային ամբողջականության պաշտպանության Ուկրաինայում Ռուսաստանի ռազմական գործողություններին, Ռուսաստանի կառավարությանը, բանակին և ժողովրդին»,- ասել է Կիմ Չեն Ընը։ Նրա խոսքով՝ Ռուսաստանի և ԿԺԴՀ-ի միջև հարաբերությունները «նոր ծաղկման փուլ են թևակոխում, որն անհնար է համեմատել նույնիսկ անցյալ դարի կորեական-խորհրդային հարաբերությունների ժամանակաշրջանի հետ»։ Կիմ Չեն Ընը վստահություն է հայտնել, որ երկու երկրների բարեկամությունը կամրապնդվի։ Իր հերթին, Պուտինը հայտարարել է, որ Ռուսաստանը «բարձր է գնահատում ռուսական քաղաքականությանը հետևողական և անփոփոխ աջակցությունը ԿԺԴՀ-ի կողմից, այդ թվում՝ ուկրաինական ուղղությամբ»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am