Երևանի ավագանու «Ազգային առաջընթաց» խմբակցության անդամ Պեդրո Զարոկյանն այսօրվա նիստի ժամանակ կրկին բարձրացրեց փոսերի հարցը. «Անցած ամիս Նորք Մարաշից դեպի Մասիվի ճանապարհի մասին խոսեցի, դրանից մի շաբաթ հետո ասֆալտ արեցիք, անձրև եկավ, էլի փոսերն առաջացան: Հատուկ եք անում, որ ժողովուրդը քշելուց ձեզ քֆրտե՞ն, թե՞... Ապաշնորհության խնդի՞ր է, թե՞ փող եք լվանում, ձեզ դո՞ւր է գալիս էս վիճակը, էդ ի՞նչ խնդիր է, որ չեք կարողանում լուծել, ամո՛թ է»,- ասաց նա: