Արգենտինայի ազգային հավաքականի հարձակվող Լիոնել Մեսսիի լուսանկարը դարձել է տարվա լավագույն մարզական լուսանկար: Լուսանկարը արվել է 2014 թվականի ֆուտբոլի աշխարհի առաջնության եզրափակչից հետո, երբ արգենտինացիները պարտվել են գերմանացիներին: Լուսանկարի հեղինակներն են չինացի լուսանկարիչները: Այն հաղթանակ է տոնել «World Press Photo» ամենամյա մրցանակաբաշխության շրջանակներում՝ «Տարվա լավագույն մարզական լուսանկար» անվանակարգում:
Հիշեցնենք, որ Արգենտինայի ընտրանին եզրափակչում 0:1 հաշվով զիջել է Գերմանիայի հավաքականին: Ոսկե գոլի հեղինակ է դարձել Մարիո Գյոցեն՝ հանդիպման 113-րդ րոպեին:
Հանդիպումից հետո չինացի լուսանկարիչը հուզիչ պահ է որսացել, երբ բոլորի ուշադրությունը Գերմանիայի ընտրանին է, իսկ Մեսսին նայում է աշխարհի առաջնության գավաթին, որը այդքան մոտ էր նրան այդ երեկո: