+26 °C, +15 °C ... +27 °C Վաղը`+28 °C
Գերմանիայի կանցելեր Անգելա Մերկելն իր կուսակիցների` Քրիստոնեադեմոկրատական միության կողմից կարող է առաջադրվել Խաղաղության նոբելյան մրցանակի: Բունդեսթագում Քրիստոնեադեմոկրատական կուսակցության ներկայացուցիչներ Կառլ Գեորգ Ուելմանը և Սիլավյա Պանտելը Մերկելին Խաղաղության նոբելյան մրցանակի առաջադրման հիմքում դնում են վերջինի ունեցած դերն ու գործունեությունն ուկրաինական ճգնաժամի հաղթահարման հարցում: ««Նորմանդական քառյակի» բանակցությունների ժամանակ ունեցած արդյունքները, որոնց հասել է Մերկելը Ֆրանսիայի նախագահ Ֆրանսուա Օլանդի հետ, կարելի է վիթխարի համարել....Եվ եթե հնարավոր լինի հրադադար պահպանել Դոնբասում, ապա Մերկելին Նոբելյան մրցանակ շնորհելը տրամաբանական քայլ կդառնա»,- ասել է Կառլ Գեորգ Ուելմանը: Իսկ Մերկելի մյուս կուսակիցը` Սիլավյա Պանտելը, նշել է. «Այնտեղ, որտեղ եվրոպական քաղաքական այլ գործիչները փորձում են իրար դեմ հանել եվրոպական ազգերին, Մերկելն իր առջև այդ ազգերին միավորելու նպատակ է դնում»: Նոբելյան կոմիտեի կանոնակարգի համաձայն` խորհրդարանականներն, ինչպես նաև կառավարությունների և միջազգային դատարանների ներկայացուցիչներն իրավասու են Խաղաղության նոբելյան մրցանակի թեկնածություններ առաջադրել: Գերմանիայից վերջին անգամ 1971թ. Խաղաղության նոբելյան մրցանակի արժանացել է Գերմանիայի կանցլեր Բիլլի Բրանդտը` «Արևելքի և Արևմուտքի միջև լարվածության թուլացման հարցում ունեցած ներդրման համար»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am