+15 °C, +13 °C ... +19 °C Վաղը`+21 °C
Թայլանդի բնակիչներից մեկին հաջողվել է իրական թրիլլեր նկարահանել, որի հերոսներն են դարձել 5 շներն ու հսկայական կոբրան: Տեսանյութում երևում է, թե ինչպես է շների ոհմակը շրջապատում ու բզկտում աշխարհի ամենաթունավոր սողուններից մեկի մարմինը: Օձն ամեն կերպ փորձում է սողալ դեպի մացառուտները՝ հասկանալով, որ բաց դաշտում անզոր է, սակայն շները նրան հնարավորություն չեն տալիս: Ցավոք, տեսանյութի հեղինակին տեխնիկական պատճառներով չի հաջողվել շարունակել նկարահանումը մինչև պայքարի վերջը, բայց մասնագետները ենթադրում են, որ կոբրան փրկվելու հնարավորություն չուներ: Նշենք, որ արքայական կոբրան աշխարհում խոշորագույն թունավոր օձերից է և ամենավտանգավորներից մեկը: Ըստ տարատեսակ տվյալների՝ ամեն տարի նրա կծոցից մահանում է մի քանի հազարից մինչև 25 հազար մարդ: Կոբրայի թույնն ունի նեյրոտոքսիկ ազդեցություն, որն արգելափակում է մկանային կծկումներն ու առաջացնում շնչառական օրգանների կաթված, շնչառության կանգ ու մահ: Հայտնի են դեպքեր, երբ կոբրայի կծոցը մահացու է եղել անգամ փղերի համար: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am