+17 °C, +10 °C ... +20 °C Վաղը`+21 °C
Ռուս գեղասահորդուհի Տատյանա Նավկան կդառնա Վլադիմիր Պուտինի մամլո քարտուղար Դմիտրի Պեսկովի օրինական կինն այս ամառ, հայտնում է «Wday»-ը: Աղբյուրը գրում է, որ սիրահարները երկար ժամանակ թաքցրել են իրենց հարաբերությունները, անգամ այն բանից հետո, երբ աշխարհ է եկել նրանց դուստր Նադեժդան, նրանք չեն գաղտնազերծել իրենց սիրավեպը: Տատյանան և Դմիտրին միասին հանրությանը երևացել են միայն անցյալ տարվա վերջին՝ միասին այցելելով սահադաշտ: Այն, որ այս ամառ իսկապես կկայանա զույգի հարսանեկան արարողությունը, չեն ժխտում անգամ գեղասահորդուհու մտերիմները: Այսպես, օրինակ, նրա նախկին ամուսին և ավագ դստեր հայր Ալեքսանդր Ժուլինը խոստովանել է, որ շատ ուրախ է գալիք իրադարձության համար, որը 40-ամյա Նավկան որոշել է տոնել Սոչիում: Նա նաև հավելել է, որ նրանց հարսանիքին չի գնա, քանի որ շատ զբաղված է, բացի այդ, ընդունված չէ, որ նախկին ամուսինը գնա նախկին կնջ հարսանիքին, դա ճիշտ չէ: Աղբյուրը նաև մեջբերում է Նավկայի խոսքերը Պեսկովի մասին «Հելլօ» ամսագրին տված հարցազրույցում. «Ես ու նա, ճիշտ է տարբեր աշխարհներից չենք, տարբեր համաստեղություններից չենք, բայց պատահում է, որ իրար չհատվող ուղեծիրներ ունեցող մարդիկ պատահականորեն հանդիպում են, և պարզվում է, որ նրանք համապատասխանում են իրար, ինչպես փազլի մասնիկներ: Այդպես պատահեց նաև մեզ հետ»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am