+16 °C, +13 °C ... +19 °C Վաղը`+21 °C
«Ազատություն ռադիոկայան»-ն իր կայքի ռուսական բաժնից ջնջել է Սանկտ-Պետերբուրգում բնակվող գործարար Մակսիմ Ֆրեյդզոնի հոդվածը, որում վերջինը հանդես է եկել Պուտինի հանդեպ քննադատությամբ: «Հրապարակումը ջնջված է «Ազատություն ռադիոկայան»-ի զրուցակցի խնդրանքով, ով վախենում է իր անվտագության համար: Հայցում ենք Ձեր ներողամտությունը»,- ասվում է կայքի այն էջում, որտեղ նախկինում զետեղված է եղել հրապարակումը: Պետերբուրգցի գործարարի հետ հարցազրույցի տեքստը կայքում հրապարակվել է նախօրեին՝ մայիսի 23-ին: Հարցազրույցի թեմաներից մեկը վերաբերել է 1990-ական թվականներին Սանկտ-Պետերբուրգում տարվող բիզնեսգործունեության մեթոդներին: Նյութի հրապարակումից մեկ օր աառաջ ՌԴ նախագահի մամուլի խոսնակ Դմիտրի Պեսկովը հայտարարել է, որ Կրեմլը լոնդոնյան մի թերթից ու ամերիկան ԶԼՄ-ից լրագրողական երկու հարցում է ստացել՝ «դատախազական ոճով» գրված: Պեսկովը հայտարարել է, թե Կրեմլում զարմացած են Պուտինի հանդեպ լրագրողական վերաբերմունքի «համակարգայնությունից»: Պեսկովը նաև հավելել է, որ ԶԼՄ-ներում նյութերի հրապարակումից հետո Պուտինի վարչակազմը խմբագրություններին դատի չի տա, քանի որ «չարժի լուրջ վերաբերվել զրպարտություններին»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am