+29 °C, +16 °C ... +29 °C Վաղը`+29 °C
Միլիարդատեր, հայտնի գործարար և «Ալիսա» բորսայի հիմնադիր Գերման Ստերլիգովը վաճառել է իր կարողությունը և լքելով Ռուսաստանը՝ մեկնել Լեռնային Ղարաբաղ: Ռուսական լրատվամիջոցների փոխանցմամբ, այն, որ Ստերլիգովը հուլիսի 4-ին մեկնել է Լեռնային Ղարաբաղ, ԶԼՄ-ներին տեղեկացրել է նրա օգնական Պոլինա Սիրոտան. «Նա մեկնել է Արցախ, թե երբ կվերադառնա, հայտնի չէ: Նրան մեկնել ստիպել են լուրջ հանգամանքները: Ոչ, դրանք բանդիտները չեն, այլ ավելի բարձր մակարդակի խնդիրներ»,- հայտնել է գործարարի օգնականը: Ստերլիգովի գործընկերներից մեկը տեղեկացրել է լրատվամիջոցներին, որ «Ալիսա» բորսայի աշխատանքները նախկինի պես շարունակվում են. «Ամեն ինչ առաջվա պես շարունակվում է, միայն Գերման Լվովիչն է մեկնել արտասահման: Թե երբ կգա՝ անհայտ է»,- նշել է Ստերլիգովի գործընկերը: Լրատվամիջոցների փոխանցմամբ՝ նախորդ շաբաթ օրը «ՎԿոնտակտե» սոցցանցի գործարարի էջում հայտնվել էր Ստերլիգովի տան լուսանկարը՝ պատուհանները փայտով փակած և հետևյալ գրառմամբ. «Սլոբոդայի թարմ լուսանկարը՝ հուրախություն Ռուսաստանի թշնամիների: Վաղ եք ուրախանում. կգա օրը և մենք կվերադառնանք: Փառք Հիսուս Քրիստոսին: Գերման Ստերլիգով ու որդիներ»: «Նորությունների ռուսական ծառայություն»-ը հաղորդում է նաև, որ այժմ ակտիվորեն վաճառվում են Ստերլիգովի ֆերմերական տնտեսության կենդանիները՝ այծերն ու ոչխարները: Բացի այդ՝ ակտիվորեն վաճառվում է նաև Ստերլիգովի ավտոպարկը: Ավելի վաղ լրատվամիջոցներին հայտնի էր դարձել, որ Ստերլիգովը կարող է մասնակից լինել հանցավոր «БОРН» խմբակցության անդամների գործողությունների հետ, ովքեր մեղադրվում են նաև փաստաբան Ստանիսլավ Մարկելովի և լրագրող Անաստասիա Բաբուրովայի սպանությունների համար: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am