+29 °C, +16 °C ... +29 °C Վաղը`+29 °C
Օգոստոսի 17-ին Հնդկաստանի Անդհրա-Պրադեշ նահանգի պետական հիվանդանոցում ծնվել է տղա երեխա, ում առողջական բնածին խնդիրների հետևանքով տեղափոխել են Հուտուրեի ընդհանուր հիվանդանոց: Օգոստոսի 20-ին տղայի միզապարկը վիրահատել են ու տեղափոխել ինկուբատորի մեջ: Սակայն դրանից մեկ շաբաթ անց նրա ծնողներին տեղեկացրել են, որ երեխան մահացել է բարդությունների հետևանքով: Բայց երբ ծնողները տեսել են երեխայի դին, հասկացել են, որ նա առնետների զոհ է դարձել: Տղայի ծնողները պատմել են, որ մինչ ողբերգությունը նրանք բողոքել են աշխատողներին առնետներից և երեխայի մարմնի վրա առկա կծոցներից: «Կիրակի վաղ առավոտյան իմ որդին սկսեց աղիողորմ լացել: Քանի որ մեզ չեն թողնում կանգնել ինկուբատորի կողքին, ես կանչեցի բուժքրոջը: Բայց մինչև նրա գալը առնետներն արդեն կերել էին իմ տղայի մատներն ու ձախ աչքը»,- ասել է երեխայի մայրը՝ Լակշմին: Հիվանդանոցի գլխավոր բժիշկը լրագրողներին ասել է, որ դրանից հետո առնետներից պաշտպանվելու համար վանդակաճաղ են դրել, սակայն 2 օր հետո նրանք նորից են հարձակվել երեխայի վրա: Մենք չէինք սպասում, որ սա այսպես կլրջանա»: Մահացած երեխայի մայրը մեղադրում է բժիշկներին, ովքեր անուշադրության են մատնել առնետների կծոցների վերաբերյալ իրենց ահազանգերը: Բժիշկներն անգամ չեն հարգել նրանց վիշտն՝ ասելով, թե չարժի այդքան տխրել, չէ որ նրանք մի որդի արդեն ունեն: Այս գործով առողջապահության բնագավառի արդեն 3 աշխատող է պաշտոնազուրկ եղել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am