Թուրքիայի ոստիկանությունը երկրի հարավում ձերբակալել է «Vice News»-ի բրիտանացի երկու լրագրողներին` պատճառաբանելով, որ նրանք քրդաբնակ հատվածում նկարահանումներ են իրականացրել առանց երկրի իշխանությունների հատուկ թույտվության: Այս մասին հաղորդում է «Ռոյթերս»-ը: Աղբյուրը նշում է, որ բրիտանացի լրագրողները` Ջեք Հանրահան և Ֆիլիպ Փենդլբերին նկարահանելիս են եղել Դիարբեքիր շրջանում թուրքական կառավարական ուժերի և քուրդ զինյալների միջև պարբերաբար կրկնվող բախումները: Հաղորդվում է նաև, որ բրիտանացի երկու լրագրողները և նրանց թուրք թարգմանիչը սերտ կապերի մեջ են եղել «Քրդական աշխատավորական կուսակցության» զինյալների հետ: |