Շնորհիվ ՌԴ նախագահ Վլադիմիր Պուտինի հանրային վերջին ելույթների` Ռուսաստանի դրությունը միջազգային ասպարեզում բարելավվել է, ու երկիրը մոտեցել է պատժամիջոցների չեղարկմանը, գրում է Forbes պարբերականը:

Հաղորդվում է, որ Գերմանիան ու Ֆրանսիան հոգնել են ռուս-ուկրաինական շարունակական կոնֆլիկտից ու աստիճանաբար թեքվում են դեպի Ռուսաստանը, որն իրենց կարծիքով` ի տարբերություն Կիևի` հետևում է Մինսկի համաձայնագրին: Ինչպես կարծիք է հայտնել Bretton Woods Research վերլուծական կազմակերպության ղեկավար Վլադիմիր Սինորելլին, պատժամիջոցների չեղարկում կարելի է ակնկալել արդեն 2016-ի առաջին եռամսյակում:

Պատժամիջոցների չեղարկումը Ռուսաստանին հնարավորություն կտա բարելավել հարաբերությունները Եվրոպայի հետ ու շահեկան կլինի 2 կողմի համար էլ: Հոդվածի հեղինակը նշել է նաև, որ Ուկրաինային, որի տնտեսությունը ողբերգական վիճակում է գտնվում, ևս անհրաժեշտ է պատերազմի ավարտը: Չնայած նրա, որ պատերազմի հնարավոր ավարտից հետո մեծ է հավանականությունը, որ Ուկրաինան կընտրի զարգացման արևմտյան ուղին, բայց ամեն դեպքում` այդ երկիրն ստիպված է լինելու հարաբերություններ ունենալ Ռուսաստանի հետ: