Արդյունաբերական ոլորտի զրագացումը շատ բան է տվել մարդկանց, սակայն և շատ-շատերի համար այն դարձել է լուրջ վնասվածքների, հաշմանդամության, անգամ՝ մահվան պատճառ: Արդյունաբերության մեջ՝ որպես կանոն, դժբախտությունների մեծագույն մասը տեղի է ունենում մարդկային գործոնի պատճառով, ուստի խորհրդային ժամանակաշրջանում հատուկ քարոզչություն է տարվել դրանք կանխելու նպատակով: Հաշվի առնելով, որ վախը լավագույն միջոցն է մարդկանց անուշադիր քայլերից ետ պահելու համար, ամենուր տարածվել են արտադրական վթարների՝ սարսափ առաջացնող պաստառներ: