Իրաքում տեղի ունեցած ահաբեկչության արդյունքում սպանվել է «Ռեալ»-ի առնվազն 12 երկրպագու։ Իսպանական մամուլի տեղեկությունների համաձայն՝ ահաբեկչությունը տեղի է ունեցել Բաաքուբա քաղաքում։ 4 ահաբեկիչ ներխուժել է մադրիդյան ակումբի երկրպագուների սենյակ, որտեղ վերջիններս հետևում էին Չեմպիոնների լիգայի եզրափակիչ հանդիպմանը, և անկանոն կրակ բացել, ինչից հետո փախուստի են դիմել։ Իրաքի իշխանությունը հայտարարել է, որ ահաբեկչության պատասխանատվությունը ստանձնել է ԴԱԻՇ ահաբեկչական կազմակերպությունը։
Ցավոք, սա նմանատիպ առաջին դեպքը չէ։ Մայիսի 13-ին Իրաքի մեկ այլ քաղաքում՝ Սամարայում, ահաբեկչության արդյունքում առնվազն 16 մարդ է զոհվել։