Audi ընկերությունը ներկայացրել է նոր սերնդի A5 և S5 կաբրիոլետները: Եվրոպայում ավտոմեքենաների վաճառքը կմեկնարկի 2017թ. մարտին:
Ավտոմեքենաները փափուկ ծալովի տանիք են ստացել: Տանիքն ավտոմատ կերպով բարձրանում է 15 և հավաքվում՝ 18 վայրկյանում: Ծալվող տանիքը կառավարելի է մինչև 50կմ/ժ արագության դեպքում:
Նորույթները կառուցվել են MLB Evo հարթակի վրա՝ ալյումինի և կոմպոզիտային նյութերի ակտիվ կիրառմամբ, ինչի շնորհիվ մեքենաները զգալիորեն թեթև են դարձել:
A5-ի բաց տարբերակն ստացել է 2,0-լիտրանոց բենզինային շարժիչ, որի հզորությունը կազմում է 252 ձիաուժ: Շարժիչների շարքի մեջ մտել են նաև 2,0 և 3,0 լիտր ծավալով երկու դիզելային շարժիչները, որոնց հզորությունը կազմում է համապատասխանաբար 190 և 218 ձիաուժ:
S5 սպորտային կաբրիոլետը կոմպլեկտավորել են 3,0 –լիտրանոց V6 շարժիչով, որի հզորությունը կազմում է 354 ձիաուժ: Մինչև 100կմ/ժ մեքենան զարգացնում է 5,1 վայրկյանում, առավելագույն արագությունը՝ 250կմ/ժ: