- - - - - - - - - - - - - - - - - - - - -

Ես երգեցի՜ քեզ համար

խռպոտ ձայնով մի սիրերգ,

Նոտաներով, որ մինչ ա՜յս

չի՛ արարվել ոչ մի երգ:

Թպրտո՜ւմ է կուրծքդ ուժգին

շորդ անում վե՜ր ու վար,

Աչքերիցս կարոտագի՛ն

թաքցնելո՜վ ինչ-որ բան:

Շորերիդ տակ խա՜ղ է անում

իմ վաղեմի թշնամին,

Ու նախա՜նձն է իմ շարժում

փոքրի՜կ, թեթև՜ այդ քամին:

Իմ աշխա՜րհն է շորերիդ տակ

արբում ուրիշ ձեռքերով,

Ու ճկվե՜լ է մեջքդ բարակ

մեղքը խոցող ցավերով:

Քամին կանչող կուրծքդ թողա՜ծ

փաթաթվե՛լ է վարսերիդ,

…Մե՜ղք եմ գալիս բռունցք դարձած

իմ ձանձրացող մատներին:

Քո մարմինը բո՜րբ ու անհագ

տրված օդից ստեղծվածի՛ն,

Միևնո՜ւյն է բուրում է տա՜ք

բուրում է տա՜ք - խենթածին: