USD 402.56, EUR 440.64, RUB 4.58, GBP 505.01
+20 °C, +17 °C ... +29 °C Վաղը`+28 °C
+20 °C, +17 °C ... +29 °C Վաղը`+28 °C
Միջնադարյան Եվրոպայում շատ խստապահանջ են եղել բարոյական նորմերը խախտողների նկատմամբ
21:08, 23.03.2024
511 | 0
Ֆրանսիական Մեծ հեղափոխությանը նախորդած միապետության դարաշրջանում «կոտոշավոր» ամուսիններին նստեցրել են էշին ու ման են տվել քաղաքում կամ գյուղում: Տղամարդը՝ լիներ նա քաղաքացի, թե գյուղացի, լիներ նա «կոտոշավոր» ամուսին կամ իր կնոջ վրա իշխելու անկարող ամուսին, դաժան ծաղր ու ծանակի է ենթարկվել. Նրան մերկացրել են, էշին «թարս» նստեցրել ու ման են տվել քաղաքի կամ գյուղի փողոցներով՝ բնակչության ծաղրալի բացականչությունների տարափի ներքո: Այս նսեմացնող պարտադրանքը, որ կիրառվել է նաև սիրեկան զույգերի նկատմամբ, պահպանվել է միապետության գոյության ամբողջ ընթացքում: 1556 թվականին Անրի 2-րդ թագավորը, հետևելով բողոքականություն ընդունած պետությունների օրինակին, հանուն հասարակության բարոյականության, պատերազմ են հայտարարել «արտաամուսնական հղիությունը թաքցնող և արտաամուսնական կապերի մեջ գտնվող բոլոր կանանց»: Դրան հետևել են թագավորի և նահանգային կառավարիչների որոշումները բոլոր տեսակի հասարակաց տները, անառանանոցները փակելու մասին: Այս միջոցառումների հետևանքով Եվրոպայի շատ երկրներում կանանց դրությունը վատթարացել է: Կնոջն անհավատարմության մեջ «բռնացրած» ամուսինն իրավունք է ունեցել սպանել նրան, եթե նույնիսկ նա հղի վիճակում է եղել: Արդարադատությունը նույնիսկ դավաճանված տղամարդուն իրավունք է վերապահել կնոջը ջրում խեղդել: Միջնադարում հրատարակված սովորույթների գիրքն ասում է, թե տղամարդը հանցանք չի գործում, եթե կնոջն սպանելու փոխարեն ընդամենը ծեծում է: Գերմանիայի Բրյուգե քաղաքում հրատարակված այդպիսի գրքերից մեկն էլ պնդել է, թե ամուսիններն իրավունք ունեն իրենց անհավատարին կնոջը կտրել վերևից ներքև և նրա արյամբ ջերմանալ. այդպիսի ամուսինները հանցագործ չեն դիտարկվել, եթե կտրածը կարել են, և կինը ողջ է մնացել: |
Հեղինակ` Համլետ Մելիքյան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Համլետ Մելիքյան
09:58, 14.04.2024
498 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: