Ուսուցչի վաստակը բազմիցս արժանացել է բարձր գնահատականների, իսկ ամենահուզիչն ու անկաշառը սաների մեծ սերն ու հարգանքն է: Երևանի Խ.Աբովյանի անվան հ. 84 դպրոցը սիրով է նշում ուսուցչի տոնը: Կրթական աջակցությունների գծով փոխտնօրեն Ս. Մողրովյանը տոնին համահունչ ձևավորել էր շքամուտքը: բոլոր չորս հարկերում կազմակերպվել էին իրար հաջորդող միջոցառումներ` նվիրված ուսուցչին: Իսկ ռադիոհանգույցով հնչում էին բարեմաղթանքի խոսքեր ու երգեր աշակերտների կողմից: Ողջ դպրոցը տոնական տրամադրություն էր ապրում, իսկ ուսուցիչը մեկ անգամ ևս համոզվում էր, որ նվիրումով աշխատանքն իզուր չէ: Յուրաքանչյուր սանի երախտագիտությամբ լի հայացքն ամենամեծ վարձատրությունն է: |