Երևանի Խ.Աբովյանի անվան հ.84 դպրոցը մեկնարկեց 2015-2016 ուսումնական տարին: Դպրոցն իր գիրկն առավ շուրջ 103 առաջին դասարանցիների, որոնք հույզերով ու ակնկալիքներով լի իրենց հայացքն էին հառել ժպտադեմ ուսուցիչներին:
Դպրոցում հյուր էին քաղաքապետարանի, թաղապետարանի աշխատակազմի ներկայացուցիչներ: Ներկաներին ողջունեցին դպրոցի շնորհալի սաները` աշակերտներին մաղթելով բեղմնավոր ուսումնական տարի:
Ընթեցվեցին Երևանի քաղաքապետ Տ.Մարգարյանի, Քանաքեռ-Զեյթուն վարչական շրջանի ղեկավար Գ.Ղազարյանի, ՀՀ ազգային ժողովի պատգամավոր Ա.Ստեփանյանի, «Քեթրին» հասարակական կազմակերպության` գիտելիքի օրվան նվիրված ուղերձները:
Ողջույնի խոսքով հանդես եկավ դպրոցի տնօրեն Ա.Էլոյանը` հավաստիացնելով, որ նոր ուսումնական տարին կլինի նվաճումներով ու հաղթանակներով լի:
2015-2016 ուստարին 150-ամյա դպրոցի համար կլինի նշանակալից տարի: