USD 402.56, EUR 440.64, RUB 4.58, GBP 505.01
+26 °C, +15 °C ... +26 °C Վաղը`+27 °C
+26 °C, +15 °C ... +26 °C Վաղը`+27 °C
ՀՀ նորանշանակ վարչապետն այցելեց Մայր Աթոռ Սուրբ Էջմիածին
21:08, 14.04.2014
2070 | 0
Ապրիլի 14-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն ընդունեց Հայաստանի Հանրապետության նորանշանակ վարչապետ Հովիկ Աբրահամյանին: Հանդիպմանը Նորին Սրբությունն իր օրհնությունն ու շնորհավորանքները բերեց տիար Հ. Աբրահամյանին ՀՀ վարչապետի պատասխանատու պաշտոնը ստանձնելու կապակցությամբ` արդյունաշատ իրագործումներ մաղթելով նրան Հայրենիքի բարօր կյանքի կերտման առաքելության մեջ: Ամենայն Հայոց Հայրապետն իր խոսքում անդրադարձավ երկրի և ժողովրդի առջև ծառացած բազում դժվարություններին` հույս հայտնելով, որ նորոնշանակ վարչապետն տարիների իր փորձառությամբ և վաստակով դրական տեղաշարժեր և փոփոխություններ կարձանագրի հայոց կյանքում: Զրույցի ընթացքում Նորին Սրբությունը գոհունակությամբ անդրադարձավ նաև Եկեղեցի-պետություն հարաբերություններին և առկա ազգօգուտ համագործակցությանը Հայ Եկեղեցու և հայրենի պետության տարբեր կառույցների միջև: Ամենայն Հայոց Կաթողիկոսը հաստատեց, որ Մայր Աթոռ Ս. Էջմիածինը, հավատարիմ իր ազգային առաքելությանը, պիտի շարունակի իր զորակցությունը բերել հայրենի իշխանություններին իրենց հայրենանվեր ձեռնարկումներում և անկախ պետականության զորացման գործում: Իր հերթին ՀՀ վարչապետ Հովիկ Աբրահամյանը հաստատեց, որ հանձնառու է և վճռակամ` առկա խնդիրների հաղթահարման ուղղությամբ անհրաժեշտ քայլերը կատարելու և արդարացնելու ժողովրդի սպասումները: ՀՀ վարչապետը նաև հավաստիացրեց, որ ինչպես միշտ շարունակելու է ջանքեր գործադրել Հայ Եկեղեցու և ՀՀ կառավարության միջև կապերի առավել ջերմացման ու ամրապնդման համար: Հանդիպմանը ներկա էր Մայր Աթոռի դիվանապետ Տ. Արշակ եպիսկոպոս Խաչատրյանը: |
Մամուլի խոսնակ` †ՀԱՎԱՏԱՄՔ† ԿԵՆՏՐՈՆ
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
†ՀԱՎԱՏԱՄՔ† ԿԵՆՏՐՈՆ
18:52, 25.07.2014
5303 | 0
17:57, 25.07.2014
4218 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: