Այսօրվանից սկսվում է Հայ եկեղեցու ամենակարևոր և մեծախորհուրդ Ավագ շաբաթը: Ավագ շաբաթ է կոչվում Քրիստոսի հրաշափառ Հարության տոնին` Սբ. Զատկին նախորդող շաբաթը: Ավագ շաբաթվա յուրաքանչյուր օրը խորհրդանշում է Քրիստոսի երկրային կյանքի վերջին շաբաթվա ընթացքում տեղի ունեցած առանձին դեպքեր, հիշատակվում են Քրիստոսի վերջին պատգամները, մատնությունը, չարչարանքները, մահը եւ հարությունը: |