Այս օրերին Հայաստանում են գտնվում Գարեգին Բ Ծայրագույն Պատրիարք և Ամենայն Հայոց Կաթողիկոսի հրավերով Հայաստան ժամանած Հելսինկիի միտրոպոլիտ Ամբրոսիոսը: Նրա ուղեկիցներ էին իրավաբանական գիտությունների դոկտոր տիար Անտի Հայկինհայմոյին և ֆիննական քաղաքապետարանի միության ղեկավարի տեղակալ տիար Տիմո Կիտևեյնեին: Ապրիլի 28-ի երեկոյան, Մայր Աթոռի Միջեկեղեցական հարաբերությունների բաժնի տնօրեն, Արթիկի թեմի առաջնորդ Տ. Հովակիմ եպիսկոպոս Մանուկյանի ուղեկցությամբ Հելսինկիից ժամանած պատվիրակությունը Գրիգոր Լուսավորիչ եկեղեցում էր: Հավարտ երեկոյան ժամերգության, հյուրերին ընդունեց Սուրբ Գրիգոր Լուսավորիչ Մայր Եկեղեցու Հոգևոր Տեսուչ Տեր Անուշավան Եպիսկոպոս Ժամկոչյանը: Այնուհետև Գրիգոր Լուսավորիչ Եկեղեցու «Հավատամք» հոգևոր կենտրոնի հոգևոր Հովիվ Տեր Հակոբ քահանա Խաչատրյանի հետ հյուրերը շրջեցին եկեղեցում, ծանոթացան եկեղեցու պատմությանը և հաղորդակից եղան Սուրբ Գրիգոր Լուսավորչի Մասունքին: Հյուրերի առջև հոգևոր կատարումներով հանդես եկավ «Հավատամք» երգչախումբը: Հանդիպման ավարտին Հելսինկիի միտրոպոլիտ Ամբրոսիոսին իր երախտագիտությունը հայտնեց ջերմ ընդունելության համար` հույս հայտնելով, որ մոտ ապագայում իրենց երկրում կկարողանան հյուրընկալել «Հավատամք» երգչախմբին և ունկնդիր կդառնան հայկական հոգևոր երգեցողությանը: |