Մայիսի 16-17-ը Մայր Աթոռ Ս. Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ տեղի կունենա «Հայ Եկեղեցին և Կրթությունը, Գիտությունը և Մշակույթը» թեմայով գիտաժողով: Գիտաժողովը կազմակերպվում է Մայր Աթոռ Սուրբ Էջմիածնի Հայեցակարգային հարցերի գրասենյակի նախաձեռնությամբ և համագործակցությամբ ԵՀԽ «Կլոր Սեղան» գրասենյակի: Գիտաժողովի նպատակն է բազմակողմանիորեն քննել, գնահատել, համադրել հայ ժողովրդի կյանքում Հայ Առաքելական Եկեղեցու դերակատարությունը և մտածողությունը, պատմական փորձառությունը և արդի մարտահրավերները կրթության, գիտության և մշակույթի ոլորտներում: Գիտաժողովին կմասնակցեն շուրջ 20 զեկուցողներ, հրավիրյալներ, պետական համապատասխան ոլորտների ներկայացուցիչներ և հասարակական կազմակերպություններ: Գիտաժողովը սկիզբը` մայիս 16-ին՝ ժամը 10: 00-ին, Մայր Աթոռ Սուրբ Էջմիածնի Մատենադարանի շենքում: |