Հայրենիքի պաշտպանությանը պատրաստ և ՀՀ ազգային բանակում ծառայելու համար ֆիզիկապես կոփված երիտասարդների դաստիարակման հարցում մեծ է ՀՀ սպորտի և երիտասարդության հարցերի նախարարության դերը: Դա են վկայում վերջինիս կողմից անցկացվող նախազորակոչային և զորակոչային տարիքի երիտասարդության հանրապետական ռազմամարզական խաղերը: Խաղերն անց են կացվում 4 փուլով, մասնակցում են հանրակրթական դպրոցների 9-12-րդ դասարաններից ձևավորված հավաքական թիմերը: Մեր աշակերտները արձանագրեցին էական նվաճումներ` արժանանալով 1-ին պատվաբեր տեղին (Աբովյանի տարածաշրջանում) և վաստակելով հաջորդ փուլին մասնակցելու անցաթուղթ: Հաղթական ընթացքը շարունակական էր, քանի որ մարզային փուլում ևս նվաճեցին 1-ին տեղը: Թիմին մաղթենք հաղթանակի դափնիներ և փառավորվենք այն գիտակցումով, որ անելիքներ շատ կան ...
|