Մայիսի 16-ին՝ «Զեյթուն մշակութային կենտրոնում» տեղի ունեցավ ուսանողների և երիտասարդության օրվան նվիրված միջոցառումը, որի նշվելու օրը որոշվել էր դեռևս 2014թ. մայիսի 16-ին: Միջոցառումը կազմակերպվել էր Քանաքեռ-Զեյթուն վարչական շրջանի գլխավորությամբ, ի դեմս՝ կրթության, մշակույթի և սպորտի բաժնի պետ Սամվել Ադամյանի, ում նախաձեռնությամբ հրավիրվեցին վարչական շրջանի 12 հիմնական և ավագ դպրոցների և 3 քոլեջների ներկայացուցիչներ և աշակերտներ: Հատուկ հյուրերն էին՝ Երևանի զարդարվեստի պետական արհեստագործական ուսումնարանի տնօրեն՝ Լուսինե Բաբայանը, Սարգիս Բարխուդարյանի անվան թիվ 2 արվեստի դպրոցի տնօրեն՝ Աստղիկ Ադամյանը, Քանաքեռ-Զեյթուն վարչական շրջանի կրթության, մշակույթի և սպորտի բաժնի աշխատակից Լիանա Սարգսյանը և Երևանի պետական հումանիտար տեխնիկական քոլեջի տնօրեն Արմինե Տեր - Գրիգորյանը: Միջոցառման բացմանը ընդառաջ Քանաքեռ-Զեյթուն վարչական շրջանի կրթության, մշակույթի և սպորտի բաժնի պետ Սամվել Ադամյանը լավագույն աշակերտներին պարգևատրեց պատվոգրերով: - «Շնորհավորում ենք յուրաքանչյուրիդ և համոզված ենք, որ այս պատվոգրերը խթան կհանդիսանան առավել նպատակասլաց լինելու, ջերմեռանդությամբ սովորելու և հայրենիքի ամրապնդման ու զարգացման գործում գալիք տարիներին ներդրում ունենալու համար» , - իր ողջույնի խոսքում հավելեց Սամվել Ադամյանը: Միջոցառման ընթացքում «Զեյթուն մշակութային կենտրոնի» «Ակապելլա» երգի խմբակի սաները (խմբ.Հասմիկ Հայրապետյան) հնչեցրին Շառլ Ազնավուրի երգացանկից մի շարք կատարումներ, իսկ «Թատրոն.am» և «Հակոբ Կոջոյանի» կրթահամալիրի թատերական խմբակի սաները (խմբ. Արմեն Քուշկյան) ներկայացրեցին Պարույր Սևակի 100-րդ հոբելյանական տարելիցին նվիրված «Հեքիաթներից ես հոգնել եմ» ներկայացումը: Դահլիճում տեղադրված էր նաև մի շարք հայ մեծանուն գրողների և արվեստի գորիծիչների պաստառները, որոնց համար 2024թ. հոբելյանական տարի է համարվում. Խաչատուր Աբովյան - (215) Հովհաննես Թումանյան - (155) Լևոն Շանթ - (155) Դանիել Վարուժան - (140) Վահան Թոթովենց - (130) Հովհաննես Շիրազ - (110) Համո Սահյան - (110) Սիլվա Կապուտիկյան - (105) Պարույր Սևակ - (100) Կոմիտաս - (155) Արամ Խաչատրյան - (120) Շառլ Ազնավուր - (100) Սերգեյ Փարաջանով - (100) |