ՀՀ ԱՄՆ դեսպանատունը 5 Ամերիկյան անկյուններում կազմակերպել էր բանավեճ- քննարկում՝ Հայաստան- Թուրքիա հարաբերությունների թեմայով: Աբովյան քաղաքի թիվ 6 ավագ դպրոցի աշակերտները Չարենցավանում հանդես եկան 2 թիմով՝ դեմ, կողմ: Միջոցառումը սկսվեց դեսպան պրն. Միլսի ողջույնի հեռահար խոսքով, թիմերին մաղթեց առողջ ու բովանդակալից խաղ: 40 րոպե տևած բանավեճը լարված պահեց հանդիսատեսին. կարծես քաղաքական գործիչները քննարկեցին հայ-թուրքական երկխոսության սկզբնավորման հարցը: Խաղից հետո Գյումրիի, Կապանի, Չարենցավանի, Վանաձորի, Երևանի բանավեճի մասնակից աշակերտները հնարավորություն ստացան իրենց հարցերը ուղղել դեսպանին և ‘’Fly Project’’ ռոք խմբի անդամ Անդրե Սիմոնյանին, ով հայ և թուրք երաժիշտների հետ Թուրքիայում համերգ էր կազմակերպել: Աշակերտների հարցերը սուր էին, դիպուկ ու պահանջում էին հստակ պատասխան, իսկ դեսպանը շատ դեպքերում չեզոք ու դիվանագիտական պատասխաններով փորձում էր արտահայտել ԱՄՆ-ի դիրքորոշումը: Հանդիպման վերջում մասնակիցները դեսպանատան կողմից նվերներ ստացան, բայց ամենամեծ նվերը օրվա ասելիքն էր ու տրամադրությունը, որը երկար կպահպանվի պատանիների հոգում. չէ որ քննարկվող թեման նաև յուրաքանչյուր հայի համար է կարևոր, արդիական ու պահանջում է արդարացի լուծում:

Աբովյանի թիվ 6 ավագ դպրոցի բանավեճի ակումբի ղեկավար Թ. Վարդանյան