Mamul.am
Ամբողջական տարբերակ Մամուլի խոսնակ
USD 485.66, EUR 572.79, RUB 6.59, GBP 634.22
+21 °C, +17 °C ... +30 °C Վաղը`+31 °C
Hay / Հայ | Рус | Eng | Tür
Եթե բոլորը քեզ չեն ճանաչում կամ ճանաչում են…
23:19, 15.09.2019

Եթե որևէ մեկին հարցնեք, թե Ալբերտ Էյնշտեյնն ինչի համար է «Նոբել» մրցանակի արժանացել, ապա, ամենայն հավանականությամբ, շատերը կպատասխանեն, թե հավանականության տեսության համար: Բայց իմացեք, որ «Նոբել» մրցանակի կոմիտեն այս աշխարհահռչակ գիտնականին մրցանակ է շնորհել ֆոտոէֆեկտի օրենքների բացահայտման համար:

Իրականությանը չի համապատասխանում նաև տարածված այն առասպելը, թե Էյնշտեյնը դպրոցում ուսանելու տարիներին «Մաթեմատիկա» առարկայից ցածր առաջադիմություն է դրսևորել:

Բայց մեծ գիտնականի մասին կա նաև մի պատմություն, որը շատ հավանական է, ու այն կարող էր իսկապես նրա հետ տեղի ունենալ: Օրինակ՝ գրում են, թե մի անգամ նա բացում է գիրքը և այնտեղ գտնում է 1500 դոլար արժողության չօգտագործաված չեկ: Դա կարող էր տեղի ունենալ, որովհետև Էյնշտեյնն առօրյա կյանքում շատ ցրված է եղել: Պատմում են, թե նա նույնիսկ չի հիշել իր տան հասցեն՝ «112, Մերսերսթրիտ, Թրինսթոն, Նյու Յորք նահանգ»:

Շատ հնարավոր է, որ ճշմարիտ է նաև հետևյալ պատմությունը:

Երիտասարդ Էյնշտեյնը հաճախ տնից դուրս է եկել իր սիրած հնամաշ պիժամայով:

-Այս ի՜նչ անփույթ եք հագնվում, մարդիկ ի՞նչ են ասելու ձեր մասին, - զարմացած ասել են հարևանները:

-Ինձ համար մեկ է, որովհետև ինձ այստեղ ոչ ոք չի ճանաչում, - պատասխանել է Էյնշտեյնը:

Անցնում է երեսուն տարի: Էյնշտեյնի հագին նույն պիժաման է:

-Ինչո՞ւ եք այդպես անփույթ հագնվում, մարդիկ ի՞նչ են ասելու ձեր մասին, - ասում են նրա նոր հարևանները:

Արդեն հռչակավոր դարձած ֆիզիկոսը պատասխանում է.

-Ինձ համար մեկ է, որովհետև այստեղ ինձ բոլորը ճանաչում են:

Մամուլի խոսնակ` Համլետ Մելիքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Համլետ Մելիքյան
դեպի վեր