USD 402.56, EUR 440.64, RUB 4.58, GBP 505.01
+17 °C, +16 °C ... +28 °C Վաղը`+29 °C
+17 °C, +16 °C ... +28 °C Վաղը`+29 °C
Կոստանդնուպոլսի պատրիարքարանը թուրքերն են հիմնել
08:35, 28.12.2019
3277 | 0
Կոստանդնուպոլսի նվաճումից հետո սուլթան Մուհամեդ Ֆաթիհը հաստատում է հայոց պատրիարքությունը՝ տալով նրան գրեթե նույն արտոնությունները, ինչ արդեն ստացել էր հունաց եկեղեցու պատրիարքը: Հայոց պատրիարքությունը սկզբում շատ փոքր է եղել, բայց 16 և 17-րդ դարերում այն արդեն շատ հեղինակավոր ու ազդեցիկ ուժ էր դարձել: Այն ճանաչում էր միայն Էջմիածնի գահերեցությունը և այլևս ուրիշ կախում չուներ նրանից վարչական առումով: Պատրիարքը հաստատվել է սուլթանի հատուկ բարաթով՝ առանց ընդհանրական կաթողիկոսության կարծիքն հաշվի առնելու: Թուրքիայի հայաբնակ բոլոր գավառները հետզհետե ենթարկվել են Կ. Պոլսի պատրիարքի իշխանությանը, և նրանց առաջնորդների ընտրությունը կատարվել է առանց Էջմիածնի գիտության: Կ. Պոլսի աթոռի բարձրացմանը նպաստել է այն հանգամանքը, որ Էջմիածինը հիմնականում Պարսկաստանի տիրապետության տակ է եղել, իսկ Թուրքիան միշտ պատերազմել է Պարսկաստանի հետ: Քաղաքական առումով Թուրքիային ցանկալի չի եղել, որ Արևմտյան Հայաստանը ենթարկված լինի իր թշնամի պետության մեջ գտնվող մայր աթոռին: Էջմիածնի կաթողիկոսները սուլթաններին կարող էին դիմել միայն պատրիարքների միջոցով: Կոստանդնուպոլսի պատրիարքությունը կարևորություն է ստացել նաև այն պատճառով, որ այս քաղաքում աստիճանաբար կազմավորվում է հայկական ստվար գաղութ, իսկ այդ գաղութի մեջ գոյանում է մի վերնախավ, որին պատրիարքական իշխանությունը հարկավոր էր տիրապետական իրավունքներ ձեռք բերելու համար: Այդ դասակարգի մարդիկ ամիրաներն էին, որոնց ձեռքին պատրաիարքները հաճախ խաղալիք են եղել: |
Հեղինակ` Համլետ Մելիքյան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Համլետ Մելիքյան
09:58, 14.04.2024
502 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: