Հունաստանի պատմական շրջաններից մեկի՝ Էպիրոսի թագավորներից ամենանշանավորը՝ Պյուռոսը, որը նաև բավականին հմուտ զորավար է եղել, հռոմեացիներին երկու ճակատամարտ է տվել Սիցիլիա կղզում: Նա թեպետ երկու ճակատամարտում էլ հաղթել է, բայց զոհվել են նրա բազում որդիներն ու զորահրամանատարներից շատերը: «Եթե մեկ անգամ էլ այս գնով հաղթեմ, - ասել է նա, - կմեռնեմ»: Նավով Սիցիլիայից հեռանալիս նա հետ է նայել ու ասել. «Ի՜նչպիսի մարտադաշտ ենք մենք թողնում հռոմեացիներին ու կարթագենացիներին»: Այն հարցին, թե երկու նշանավոր ֆլեյտահարներից ո՞րն է առավել հմուտը, Պյուռոսը պատասխանել է. «Լավագուն զորահրամանատարը Պոլիպերքոնտեսն է»: Երբ որդիներից մեկը Պյուռոսին հարցնում է, թե իրենցից որի՞ն է հանձնելու թագավորությունը, նա պատասխանում է. «Նրան, որի սուրն առավել հատու է»: |