USD 402.56, EUR 440.64, RUB 4.58, GBP 505.01
+21 °C, +16 °C ... +28 °C Վաղը`+28 °C
+21 °C, +16 °C ... +28 °C Վաղը`+28 °C
Ֆրանսիական հեղափոխության նորամուծություններից մեկը կարճ կյանք է ունեցել
22:59, 17.10.2020
1904 | 0
Մինչև Ֆրանսիական Մեծ հեղափոխությունը միապետական Ֆրանսիայում «դու» ով դիմելը գռեհիկ անպատկառություն է համարվել: Բայց հեղափոխությունից հետո բարքերը փոխվել են, և հեղափոխական Կոնվենտը 1793 թվականի նոյեմբերին հատուկ օրենք է ընդունել, համաձայն որի՝ հանուն համընդհանուր եղբայրության պարտադիր է համարվել մեկմեկու «դու» -ով դիմելը ամբողջ երկրում: Սակայն այս պահանջն ընդամենը մեկ տարի է իրականացվել: Հեղափոխության ամենաարմատական առաջնորդ Մաքսիմելիան Ռոբեսպիերի սպանությունից հետո, օրենքն այլևս չի գործել: Ի դեպ, Ռոբեսպիերը կարծես նախազգացել է, թե ինչ է լինելու իրենից հետո: Մահապատժի վայր տանելուց առաջ Ռոբեսպիերը հակվում է, որ գուլպաները վեր քաշի, բայց չի կարողանում: Տեսնելով դա՝ մեկն օգնում է նրան, և Ռոբերսպիերը ցածրաձայն ասում է նրան. «Շնորհակալ եմ ձեզանից, պարոն»: Շրջապատողները կարծում են, թե նա խելագարվում է, որովհետև արդեն վաղուց մարդիկ միմյանց «դուք» -ով չէին դիմում և թագավորների ժամանակը հիշեցնող «պարոն» բառը չէին գործածում: Բայց Ռոբեսպիերը չէր խելագարվել, նա պարզապես ցանկացել էր ասել, որ հեղափոխությունը տապալվել է, որ հանրապետությունն այլևս գոյություն չունի, որ տեղի է ունենալու վերադարձ հին ռեժիմին և որ անցած տարիների բոլոր ձեռքբերումները կորսվելու են: |
Հեղինակ` Համլետ Մելիքյան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Համլետ Մելիքյան
09:58, 14.04.2024
497 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: