Mamul.am
Hay / Հայ | Рус | Eng | Tür
USD 523.10, EUR 631.17, RUB 7.03, GBP 733.65
+15 °C, +15 °C ... +28 °C Վաղը`+27 °C
Զինվորի Սիրտը
16:00, 22.10.2020


Զինվորին սիրելը - Հպարտություն է,

Զինվորին սպասելը՝ Պատիվ,

Զինվորը քո Խի՛ղճն է, քո Տո՛ւնը

Զինվորին մոռանալը՝ Պատիժ…


*

Սսկվել էին հրանոթները բոլոր,

Դադա՜ր էր, գուցե կա՛րճ կամ երկա՜ր,

Հողե ակոսում նստած մի զինվոր

Կարդում էր սիրային մի նամակ:


Կարդալիս դողում էին շուրթերը,

Մատները շոշափում ամեն տառ,

… Դաժան են կռվի օրենքները,

Ընդմիջումները՝ առավել դաժան:


Երբ հասավ «Համբուրում եմ…» բառին

Մոտերքում մի տանկ հռնդաց.

- Տղե՜րք, վե՛ր կացեք, թշնամի՜ն…

Նամակը ձեռքից ընկավ ցած:


Իր հո՛ղն էր պաշտպանում,

Իր սե՛րը,

Իր կրծքո՛վ էր պահում թշնամուն,

… Այսպես են ապրում զինվորները

Այս դաժա՜ն, արնախում աշխարհում…


*

Չէր հազում երկաթն օրվա ավարտին,

էլ չէր բաբախում սիրտը Զինվորի,


Քամին մեղավոր թևերին

Մի նամակ էր տանում սիրային …


Ս.Ումառ-Հարությունյան

22.04.16 Երևան

Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
05:37, 25.03.2021
19:20, 27.02.2021
10:43, 26.02.2021
12:30, 17.12.2020
12:03, 09.12.2020
դեպի վեր