Irates.am-ի փոխանցմամբ Բուհերում շարունակվում է հեռակա ուսուցման ընդունելությունը։ Մինչ այժմ ԵՊՀ 24 մասնագիտությունների գծով հեռակա ուսուցմամբ բակալավրիատ է դիմել 360 դիմորդ: Բակալավրիատի ընդունելության քննությունները տեղի կունենան հոկտեմբերի 5-14-ը, իսկ արդեն հոկտեմբերի 25-ին հայտնի կդառնան ընդունվածների անունները: Հեռակա ուսուցմամբ մագիստրատուրայի 20 մասնագիտությունների գծով այս պահի դրությամբ դիմել է ավելի քան 300 դիմորդ: Մագիստրատուրայի ընդունելության քննությունները կանցկացվեն հոկտեմբերի 18-25-ը համապատասխան ֆակուլտետներում` տվյալ մասնագիտությամբ բակալավրի ամփոփիչ ատեստավորման քննական ծրագրով: Նշենք, որ ԵՊՀ-ում հեռակա ուսուցմամբ բակալավրիատի և մագիստրատուրայի դասերը կսկսվեն նոյեմբերի 1-ից: Իսկ Հայաստանի ազգային ագրարային համալսարանում հեռակա ուսուցման փաստաթղթերն ընդունվում են մինչև սեպտեմբերի 30-ը: Ընդունելության քննությունները կանցկացվեն հոկտեմբերի 3-20-ը: |