Զրուցակիցս ԵՊՀ ժուռնալիստիկայի ֆակուլտետի մագիստրոս, ակտիվ ուսանողուհի Գոհար Ջուլհակյանն է: 1.Առավոտը սկսում եմ... -Մեկ բաժակ սուրճով կամ ավելի հաճախ քույրիկներիս հետ սուրճ եփելու համար խելառ ու անմեղ վեճով: Եվ եթե հաշվի առնենք, այն որ վերջում գրեթե միշտ ես եմ հաղթում, ապա կարող եմ ասել, որ առավոտս հաղթանակով եմ սկսում /ժպտում է/ 2.Ի՞նչ չեք ուտի երբեք, որքան էլ քաղցած լինեք -Ընկերուհուս պատրաստածը. երբեք չի պատրաստել 3.Երբ սովածություն եմ զգում կեսգիշերից հետո... -Հիշելով, որ կյանքի վայելքներից մեկը համեղ ուտելն է, հագեցնում եմ քաղցս։ Հաջորդ օրն առավոտյան կշեռքին կանգնած հիշում եմ, որ եթե քչով բավարարվեի, ծանր չէի կշռի /ծիծաղում է/ 4. Հայաստանի ամենահետաքրքիր քաղաքը Ձեր աչքերով -Գյումրին, միշտ բացահայտելու ինչ-որ բան կգտնես 5. Ասա ինձ՝ չես կարող, և ես ... -Կասեմ, որ կյանքում «չեմ կարող» -ներ չեն լինում, լինում են «չեմ ցանկանում» -ներ 6.Կյանքը ձանձրալի է առանց... -Խենթությունների ու այդ խենթությունները հետդ կիսողի/ների 7. Հայաստանում հնարավոր է... -Խաղաղ հեղափոխություն անել 8. Եթե ինձ բնութագրեի մեկ նախադասությամբ, ապա կասեի... -Մեկ նախադասությունը շատ քիչ է ինձ՝ իմ ողջ թերություններով և առավելություններով բնութագրելու համար, բայց գուցե կասեի՝ ճանաչեք ինձ իմ գործերի միջոցով 9. Կորուստներն ու ձեռքբերումները... -Մենք կյանքում ավելի հաճախ կորցնում ենք, քան գտնում։ Իմ կորուստներն ինձ ստպել են մեծանալ։ Իսկ կյանքիս մեծագույն ձեռքբերումները ընտանիքս ու ծնողներս են։ 10.Ո՞ր հայտնի մարդու հետ սուրճ կխմեիք -Օդրի Հերփբերնի հետ 11. Գուցե հնարավոր է... -Ամեն ինչ հնարավոր է 12.Կսիրահարվեմ նրան, եթե... -Սերը դադարի ինձ համար գեղեցիկ միֆ լինել 13. Գուցե ես սխալվում եմ, բայց ... -Ցանկացած սխալ ուղղելի է 14.Հաճելի է, երբ... -Գնահատված ես 15.Երբեք չեմ ցանկանա ինձ նվիրեն... -Ցանկացած սրտանց տրվող նվեր ցանկալի ու ընդուելի է ինձ համար, բայց չեմ սիրում, երբ գումար են նվիրում |