Ինչպես նախորդ հոդվածում ասացի, մտապահելու տարբեր եղանակներ են մշակվել: Դրանցից մեկն էլ այս պատկերում ներկայացվածն է: Ըստ Եգիպտոսում և Հյուսիսային Աֆրիկայի արաբախոս երկրներում առ այսօր ապրող ավանդության` «հնդկա-արաբական» թվանշանների ժամանակակից տարբերակը Մագրեբի երկրներից մեկում ապրած ապակեգործ-երկրաչափի հայտնագործության արգասիք է: Որպեսզի թվերի արտաքին պատկերը հեշտ լինի մտապահել` այս ապակեգործ-երկրաչափն առաջին ինը թվերն այնպես է գծագրել, որ դրանցից յուրաքանչյուրն ունենա թվին համապատասխան քանակության անկյուն. «1» թվի համար մեկ անկյուն, «2» թվի համար 2 անկյուն և այլն: Այս ամենը, իհարկե, ենթադրություն է: |