Մայիսի 24-ի երեկոյան Կիևում 20 անձ հարձակվել է «Լիվերպուլ»-ի երկրպագուների վրա: Միջադեպը տեղի է ունեցել Կիևի «Rooster» ռեստորանում, որը գտնվում է «Օլիմպիական» մարզադաշտի մոտ: Անգլիական ակումբի երկրպագուներն ստիպված են եղել աթոռներով և սեղաններով պաշտպանվել իրենց վրա դիմակավորված անձանց հարձակումից, ովքեր իրենց վրա ապակու կտորներ և այլ առարկաներ են նետել: Կիևի ոստիկանությունը բերման է ենթարկել հարձակմանը մասնակցած երկու քաղաքացու, իսկ տուժած երկրպագուները հոսպիտալացվել են: |