Մեքսիկայի Տիխուանա քաղաքում հազարավոր մարդիկ են հավաքվել, ովքեր բողոքում են վերջին օրերին Կենտրոնական Ամերիկայից ներգաղթյալների հոսքի դեմ (ավելի քան 3000 ներգաղթյալ էր ժամանել): Մեքսիկայի և ԱՄՆ-ի սահմանին գտնվող քաղաքի բնակիչները, ովքեր քննադատում են ԱՄՆ-ին փախստականների նկատմամբ քաղաքականության համար, այդ անգամ դարձել են ներգաղթյալների հոսքի զոհը: Ցուցարարները բողոքել են այսպես կոչված «ներգաղթյալների քարավանի» ներկայացուցիչների պահվածքից: Ցուցարարները բողոքում են, որ ներգաղթյալները քնում են փողոցներում, հարձակվում իշխանությունների ներկայացուցիչների վրա և չեն հետևում տեղի օրենքներին: «Մենք չենք ցանկանում նրանց այստեղ տեսնել»,- Guardian-ը մեջբերում է ցուցարարներից մեկի խոսքը: Ավելի վաղ ԱՄՆ նախագահը մեջբերել էր Տիխուանայի քաղաքապետի խոսքն ու հայտարարել, որ ԱՄՆ-ն ևս պատրաստ չէ ներգաղթյալների հոսքին: |