Մեքսիկայում Տուսպան-Տուլա գազատար խողովակի պայթյունի հետևանքով 21 մարդ է զոհվել, 71-ը վիրավոր է, հաղորդում է РИА Новости-ն՝ հղում անելով Milenio-ին։

Պայթյունը տեղի է ունեցել այն ժամանակ, երբ վառելիքի խողովակի անօրինական հատված տեղում հավաքվել են տեղի 300-ից ավելի բնակիչներ բիդոններում և կանիստերներում բենզին հավաքելու համար։

Ավելի ուշ հայտնի է դարձել Մեքսիկայի Կերետարո նահանգում երկրորդ պայթյունի մասին: Տուժածների մասին տեղեկություններ չեն հաղորդվում:

Մեքսիկայի նախագահ Անդրես Մանուել Լոպես Օբրադորը ցուցումներ է տվել երկրի կառավարությանը: Բնակիչներին տարհանել են, դեպքի վայրում աշխատում են փրկարարական ջոկատի, շտապ օգնության աշխատակիցները, իսկ քաղաքի հիվանդանոցներում տագնապ է հայտարարվել: