+14 °C, +14 °C ... +29 °C Վաղը`+29 °C
ԵԱՀԿ գործող նախագահ, Սլովակիայի ԱԳՆ ղեկավար Միրոսլավ Լայչակը հայտնել է, որ մարտին կայցելի Երևան և Բաքու՝ քննարկելու Լեռնային Ղարաբաղի հակամարտության կարգավորմանն առնչվող հարցեր, հաղորդում է «РИА Новости»-ն: «Պատրաստվում եմ մարտի առաջին կեսին այցելել Բաքու և Երևան՝ ԼՂ հիմնախնդրին առնչվող հարցերի քննարկման համար: Հայաստանից և Ադրբեջանից հրավեր եմ ստացել»,- ասել է նա ՌԴ ԱԳՆ ղեկավար Սերգեյ Լավրովի հետ բանակցություններից հետո: Նա նշել է, որ Սլովակիան աջակցում է ԵԱՀԿ Մինսկի խմբի համանախագահներին: Լայչակն ընդգծել է, որ Հայաստանում ընտրություններից հետո նոր իրավիճակ է ստեղծվել, և որ «կառավարությունը հզոր մանդատ է ստեցել, և որի հետ հույսեր են կապում»: «Մեր նպատակը Մինսկի գործընթացին աջակցելն է»,- նշել է դիվանագետը: Իր հերթին, Լավրովն ասել է, որ ռուս, ֆրանսիացի և ամերիկացի համանախագահները սերտ համագործակցում են ԵԱՀԿ-ի հետ: «Նրանք արդեն հանդիպել են Հայաստանի և Ադրբեջանի ղեկավարների, արտաքին գործերի նախարարների հետ, նոր շփումներ են նախապատրաստվում: Հաշվի առնելով այն, որ կառավարությունը ձևավորվել է, որոշակի ժամանակ կպահանջվի՝ հասկանալու համար, թե որքան ինտենսիվ է ընթանում կարգավորման գործընթացը»,- ասել է Լավրովը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am