+20 °C, +16 °C ... +29 °C Վաղը`+29 °C
Վենեսուելայի գործող նախագահ Նիկոլաս Մադուրոն երկրի ընդդիմության առաջնորդ Խուան Գուաիդոյին կոչ է արել արտահերթ խորհրդարանական ընտրություններ հայտարարել: Այս մասին նա ասել է երեկ բժշկական համալսարանի շրջանավարտների առջև ունեցած իր ելույթի ընթացքում, հաղորդում է «ТАСС»-ը: «Ինչո՞ւ Գուաիդոն ընտրություններ չի հայտարարում, որպեսզի իրեն փոխարինեն ժողովրդի քվեարկության միջոցով»,- ասել է Մադուրոն՝ հավելելով, որ «իրեն նախագահ հռչակած այդ ծաղրածուն պետք է ընտրություններ նախաձեռնի»: Հիշեցնենք, որ հունվարի 23-ին Վենեսուելայի ընդդիմության առաջնորդ և խորհրդարանի խոսնակ Խուան Գուաիդոն իրեն երկրի նախագահի ժամանակավոր պաշտոնակատար հռչակեց: Նրան աջակցում են ԱՄՆ-ը և եվրոպական մի շարք երկրներ: Մադուրոն տեղի ունեցածը հեղաշրջման փորձ անվանեց: Մադուրոյին իրենց աջակցությունն են հայտնել Ռուսաստանը, Բելառուսը, Բոլիվիան, Իրանը, Չինաստանը, Կուբան, Նիկարագուան, Սալվադորը, Սիրիան և Թուրքիան: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am