Ազգային առաջընթաց կուսակցությունը սոցկայքի իր էջում հայտարարություն է տարածել. Վրաստանում տեղի ունեցող իրադարձությունների մասին Ամենևին նպատակ չունենալով միջամտել Վրաստանի ներքին գործերին, ու հաշվի առնելով վրացահայության գործոնը և Հայաստանի բարեկամական կապերը Վրաստանի հետ, Ազգային առաջընթաց կուսակցությունը ցանկանում է իր վերաբերմունքն արտահայտել Վրաստանում տեղի ունեցող իրադարձությունների վերաբերյալ։ Վրաստանը, շարունակելով իր արտաքին քաղաքական ուղու անշրջելի ընթացքը դեպի Եվրոպական ընտանիք, մեկ անգամ ևս ընդգծում է իր ինքիշխանության ու ազգային արժանապատվության կարևորությունը։ Վրացահայությունը, լինելով Վրաստանի հասարակական֊քաղաքական կյանքի ակտիվ մասնակից, հնարավորինս պետք է զերծ մնա ռուս֊վրացական հարաբերությունների սրման համատեքստում ակամա հակավրացական որևէ քայլից։ Ռուսաստանը մեկ անգամ ևս ապացուցեց, թե ինչպես է հնարավոր, միջազգային իրավունքի նորմերին ու սկզբունքներին հակառակ, լարվածություն մտցնել տարածաշրջանում։ Պատմության դասերը հաշվի առնելով, մասնավորապես Ապրիլյան պատերազմի համատեքստում, հայ ժողովուրդը, թե Հայաստանում, թե Հայաստանից դուրս պետք է ձգտի հավատարիմ մնալ իր ազգային շահերին ու հնարավորինս խուսափի հարևար Վրաստանի հետ բարեկամական հարաբերությունները վնասելուց։ |