Mamul.am
Ամբողջական տարբերակ
USD 476.41, EUR 535.10, RUB 7.57, GBP 594.04
+33 °C, +22 °C ... +35 °C Վաղը`+35 °C
Hay / Հայ | Рус | Eng | Tür
Սամվել Ալեքսանյանի ընտանիքին անհատույց տրամադրված մանկապարտեզը կվերադարձվի համայնքին
15:20, 26.06.2019

Այսօր Երևանի ավագանու նիստի ժամանակ «Իմ քայլը» խմբակցության ավագանու անդամ Լևոն Զաքարյանը, դիմելով Երևանի քաղաքապետի տեղակալ Տիգրան Վիրաբյանին, հետաքրքրվեց. «Շատ լրատվականներով անդրադարձ է եղել Վերոնիկա Գևորգյանի անվան «Սեբաստիա» մանկապարտեզ-դպրոց կրթահամալիրին, գիտենք, որ ժամանակին Մալաթիա-Սեբաստիա վարչական շրջանի ավագանին մանկապարտեզն անհատույց տրամադրել էր Սամվել Ալեքսանյանի ընտանիքին. կարծես թե սկսվել է պրոցեսը: Ի՞նչ փուլում է մանկապարտեզի վերադարձը Երևան քաղաքին»:

Քաղաքապետի տեղակալը հայտնեց, որ այն մարդկանց, որոնց տրվել է մանկապարտեզը, արդեն պատշաճ ծանուցվել են վերադարձի մասին. «Հունիսի 30-ին ժամկետը լրանում է, և Երևանի քաղաքապետարանը միակողմանի լուծում է պայմանագիրը՝ մանկապարտեզը վերադարձնելով համայնքին»,- եզրափակեց Վիրաբյանը:

Տեղեկացրե՛ք Ձեր մտերիմներին
| |
դեպի վեր