Mamul.am
Ամբողջական տարբերակ
USD 476.98, EUR 527.68, RUB 7.46, GBP 615.73
+1 °C, -1 °C ... +9 °C Վաղը`+8 °C
Hay / Հայ | Рус | Eng | Tür
Հուզումներ Թբիլիսիում՝ միասեռականների մասին ֆիլմի պատճառով
23:30, 08.11.2019

Վրաստանի մայրաքաղաք Թբիլիսիի քաղաքապետը խստացրել է անվտանգության միջոցառումները քաղաքի կենտրոնական հատվածում գտնվող «Ամիրանի» կինոթատրոնի տարածքում: Հենց այս կինոթատրոնում է նախատեսված Լեվան Ակինի վրացա-ֆրանսա-շվեդական «Իսկ հետո մենք պարեցինք» դրամայի պրեմիերան: Նշենք, որ ցուցարարները դեմ են արտահայտվում ֆիլմին, քանի որ այն պատմում է ոչ ավանդական սեռական կողմնորոշում ունեցողների մասին:

Հուզումներ Թբիլիսիում՝ միասեռականների մասին ֆիլմի պատճառով

Կինոցուցադրումները ծրագրված են Թբիլիսիի ու Բաթումի բոլոր կինոթատրոններում նոյեմբերի 8-10-ը:

Ֆիլմը պատմում է վրացական համույթի երիտասարդ պարող Մերաբի մասին, ով ծայրաստիճան փոխվում է՝ սիրահարվելով իր հավակնոտ հակառակորդ Իրաքլիին:

Ֆիլմի հակառակորդները ժամը 16-ից սկսել են հավաքվել Թբիլիսյան համերգասրահի առջև, ապա մի քանի հարյուրանոց խմբով շարժվել դեպի կինոթատրոն: Ցուցարարների շարքերում կան հոգևորականներ, նրանք աղոթքներ են հնչեցնում: Արդեն իսկ կա 2 բերման ենթարկված ցուցարար:

Հուզումներ Թբիլիսիում՝ միասեռականների մասին ֆիլմի պատճառով

Ըստ վրացական աղբյուրների՝ առաջին ցուցադրության ժամանակ կինոսրահում եղել է ընդամենը 20 մարդ, թեև վաճառված են եղել բոլոր տոմսերը: Քիչ առաջ ուժեղացված հսկողության պայմաններում սկսվել է երկրորդ կինոդիտումը:

Տեղեկացրե՛ք Ձեր մտերիմներին
| |
դեպի վեր